Sólhóll stendur við aðalgötuna í þorpinu á Stöðvarfirði, Fjarðarbraut 66 á einni fallegustu sjávarlóð á Austurlandi, með Atlantshafið bókstaflega í garðinum. Hægt er að ganga út í garð með veiðistöng og fiska í soðið. Einstakt fyrir þá sem vilja njóta friðsældar og nálægðar við sjóinn.
 

• Orlofshús Egilsstaðir

• Geymsluhúsnæði

• Tenglar
Heim Umhverfi Myndir inni Myndir úti Um staðinn Pöntun/verð English
Stöðvarfjörður. (af heimasíðu Fjarðabyggðar)
Upphaf þéttbýlismyndunar á Stöðvarfirði má rekja til ársins 1896, þegar Carli Guðmundssyni var veitt leyfi til verslunarreksturs þar. Áður höfðu búið þar útvegsbændur um langan tíma, enda gjöful fiskimið skammt út af firðinum. Þegar verslun hófst á Stöðvarfirði tilheyrði byggðarlagið Breiðdalshreppi en tíu árum síðar var stofnað sérstakt sveitarfélag, Stöðvarhreppur, en er nú hluti Fjarðabyggðar.

Fiskvinnsla og fiskveiðar er höfuðatvinnuvegur Stöðfirðinga eins og títt er í litlum sjávarplássum á Íslandi. Þar var um langt skeið rekin togaraútgerð og frystihús með aðaláherslu á bolfiskvinnslu. Nú er þar einungis saltfiskverkun. Á Stöðvarfirði er lítil dagvöruverslun, veitingastaður með vínveitingaleyfi og Landsbanki Íslands rekur þar bankaafgreiðslu og póstafgreiðslu.

Í Stöðvarfirði er ýmislegt markvert og áhugavert að skoða. Í Jafnadal sem gengur inn af firðinum er klettaþyrping, sem nefnist Einbúi og steinbogi í hlíðum Álftafells, einn hinn fegursti sinnar tegundar á Íslandi. Í Stöðvará sem rennur til sjávar í fjarðarbotninum eru nokkrir fallegir fossar sem gaman er að skoða og fyrir áhugamenn um fjallgöngur er fjallahringurinn í Stöðvarfirði með áhugaverðari stöðum til slíkrar iðju. Ber þar fremstan að telja meðal jafningja Súlur, einkennisfjöll staðarins sem er mjög krefjandi gönguleið og aðeins á færi reyndra klifurkappa. Einnig má nefna Kumlafell, en þar getur að líta gat efst í fjallinu og sést í gegnum það til Fáskrúðsfjarðar. Beint fyrir ofan þorpið er fjallið Steðji. Við rætur þess eru Steðjatjarnir en ofar Stórkerald og Tyrkjaurð svo eitthvað sé nefnt. Út með firðinum norðanverðum, rétt við hin gömlu hreppamörk Stöðvarhrepps og Fáskrúðsfjarðarhrepps er einstakt náttúrufyrirbrigði sem nefnist Saxa. Í austlægum vindáttum dregur Saxa til sín þara, rekavið og annað lauslegt úr sjó, kurlar það í smátt og feykir hátt í loft upp.
Sagan.
Kauptúnið Stöðarfjörður (áður Kirkjubólsþorp) stendur að norðanverðu við samnefndan fjörð. Þar búa langflestir íbúnna, þar sem landrýmið er fremur lítið og sveitabæir fáir. Tveir dalir, Stöðvardalur og Jafnadalur, eru inn af firðinum. Rennur Stöðvará eftir þeim fyrirnefnda og myndar með hjálp sjávar við árósin svonefnda Öldu. Stöðvarhreppur var stofnaður árið 1905 og þá voru 253 íbúar í hreppnum,en fram að því heyrðu Stöðfirðngar undir Breiðdalshrepp. Lengst af var búskapur og sjósókn stundað nokkuð að jöfnu, eins og víðast í sjávarplássum hérlendis. Í tíundarskrá eru flestir húsráðendur titlaðir sem útvegsbændur og var raunar svo alveg fram yfir 1950, að kýr voru á mörgum bæjum og sömuleiðis sauðfé. Sömu menn áttu gjarnan trillur og réru á þeim á vorin og sumrin. Voru bátarnir oftast fremur smáir og því erfitt um útræði nema á sumarmánuðum. Elsta húsið, svonefnt Carlshús, var rifið sumarið 1990 en það byggði Carl Guðmundsson kaupmaður. Hóf hann verslun þar 1896. Við Carl er einnig kenndur Carlsklettur, bújarrðstirnar á Hvalnesi sunnan fjarðar. Á hann var breitt hvítt lak, þegar þurfti að gefa til kynna að ferðamenn á vegum hans þörfnuðst flutnings yfir fjörðinn.

Fjallahringur Stöðvarfjarðar þykir mjög fagur. Ofan við kauptúnið eru Steðji og Sauðabólstindur, en Kumlafell litlu innar. Álftafell er norðan við Stöð og í botni Stöðvardals er Jökultindur. Sunnan fjarðar blasa við Súlur, stolt íbúnna. Lambafell er litlu innar. Gönguleiðir eru yfirleitt góðar og auðvelt að klýfa flest fjöllin í fjallahringnum. Sérlega góð gönguleið er upp svonefndar Landabrúnir og Ólukku. 1. desember 2007, eru íbúar í Stöðvarhreppi 230 talsins. Flestir urðu Stöðfirðingar á milli 1980 og 1990 eða tæplega 400 talsins. Trilluútgerð er á Stöðvarfirði og togarinn Kambaröst var gerður þaðan út frá árinu 1977 en hefur nú verið seldur. Þá rak Samherji fiskvinnslu, þar sem flestir íbúanna sóttu vinnu en hefur nú lokað.Meðal annarra fyrirtækja eru Skútuklöpp sem rekur saltfiskvinnslu og útgerð, Landsbankinn, Íslandspóstur, og fleiri. Á Stöðvarfirði er margra ára listhefð og er þar rekið Gallirí Snærós og þar er líka vinnustofa Önnu Hrefnudóttur myndlistarkonu og svo hið heimsþekkta Steinasafn Petru; sem er eitt stærsta steinasafn í einkaeigu í heiminum.
  Sólhóll - sælureitur við sjóinn • Stöðvarfirði • www.solholl.com • info@solholl.com